Friday, 11 April 2008

يا أسـمـر الـلـون .. مـا شــفــت بـحـلاك سـمـرة

شوي بنعطيكم راحة من السياسة
نهدي هذي الزهيرية للي قلبه خضر و أخص بالذكر زميلنا العزيز بو بدر
قـلبـي رسـالـة .. و عـلـيـهـا اسم الحـبـيـب طـابـع
و النـص مـن سـنـيـن .. كـاتـبـه بـدمـي و طـابـع
صـافي عـذب الـحـب .. لـه أحلـى سـمـة و طـابـع
يا أسـمـر الـلـون .. مـا شــفــت بـحـلاك سـمـرة
صوتك موسيقى .. أعيـش كل لـيـلـة فـيـه سمـرة
محـمـل غـرامـك .. عـلى الكـيف داخـلـي سـمـره
وهـيـهــات تــشـوفه .. في يـوم مـيـدَف أو طـابـع
وتحياتي للكل...
at

31 comments:

  1. bo bader11 April 2008 at 15:27

    مشكور حبيبي

    ولك هالاهداء الرائع من المرحوم عبدالرحمن الضويحي

    ======

    لـه معـدنٍ كالذهـب زلات مـا ظـن لـه

    يا زيـن مستقبلـة ويازيـن مـاضـنٍ لـه

    واضح وضـوح العَلـَم لـو تِهْـتْ ماضِلّـه

    كريم نفـس وبطـل وقـت الفعـل ماضـي

    يأبى المهانـة جـزوع بحاضـر وماضـي

    فعـل الرجـال افعلـة و بخطتـة ماضـي

    أبصم بعشـري وغيـر العشـر ماضٍ لـه

    ReplyDelete
  2. Someday11 April 2008 at 16:30

    عاش من قال!!

    ReplyDelete
  3. بروفسور حمادو11 April 2008 at 16:31

    يالبدر

    تجبرني بلطفك أهديك زهيرية ثانية

    :)

    عمري اللي ما عشته أشوف الحين أنا عايشه

    بالحب يعايشني و بزود ود انا اعايشه

    يا مصدر أفراحي و كل سرور أنا عايشه

    بحرين بداخلي جروا الاسباب طلوع بدرك

    بحر من فضة تلالا فيه سنا بدرك

    و الثاني مده حرير ضعت فيه كيف بـ(ا)درك؟

    ما أدري آنا بحلم أو علم انا عايشه

    ReplyDelete
  4. بروفسور حمادو11 April 2008 at 16:32

    someday

    عاش حاضر

    :)

    ReplyDelete
  5. فتى الجبل11 April 2008 at 17:25

    يا يا يا
    شنو هذا شنو هذا
    متعنا زود يا يبا

    ReplyDelete
  6. بروفسور حمادو11 April 2008 at 18:16

    فتى الجبل

    تستاهل الزود يللي ما عليك قصور

    بوسعود و شرواك مكانه فوق عالي قصور

    جيران و قصور .. من سنين انتو احلى قصور

    مخصوص الابيات .. لك بـ(ا)نقشها در و ماس

    وبـ(ا)ضويها بـ(ا)نوار لو يضربني شورت وماس

    اشلون مـ(ا)بدع ..و ودك صاب قلبي و ماس

    رقابنا تطول .. فيك تفخر و لالها قصور

    ReplyDelete
  7. Mohammad Al-Yousifi11 April 2008 at 18:36

    طابع

    ReplyDelete
  8. بروفسور حمادو11 April 2008 at 18:51

    كله مطقوق

    ترى الحقوق محفوظة مو على ابو انك مملوح ومزيون تبوقها حق برنامجك جنك ما تدري

    :)

    ReplyDelete
  9. على نفسها جنت براقش11 April 2008 at 19:07

    خوش شئ

    صح لسانك

    :)

    ReplyDelete
  10. بروفسور حمادو11 April 2008 at 19:34

    على نفسها جنت براقش

    يا خوج الحين عرفت شلون أحبل لج ، ومتى ما قطعتي و بغيتج تطبين المدونة رح أنصب لج زهيرية بالفخ مكان الغبي

    :)

    صح بدنج عزيزتي

    ReplyDelete
  11. على نفسها جنت براقش11 April 2008 at 20:23

    محـمـل غـرامـك .. عـلى الكـيف داخـلـي سـمـره
    وهـيـهــات تــشـوفه .. في يـوم مـيـدَف أو طـابـع


    يعنى حابسه و ما يتحرك

    صج صج خوش زهيريه

    ReplyDelete
  12. Anonymous11 April 2008 at 23:48

    شمس الكويت لا تسمح بالسمرة :)

    ReplyDelete
  13. فريج سعود12 April 2008 at 03:05

    والله يستاهل بوبدر الورد جارنا
    بس ماني خابره اسمر

    ReplyDelete
  14. bo bader12 April 2008 at 03:16

    عزيزي فريج سعود

    شلونك يالغالي ؟

    أنا فعلاً ماني أسمر ، لكن المشكلة أن كل الشعراء يتغنون بالسمر ولا أحد يمدح البيض !!

    ReplyDelete
  15. بروفسور حمادو12 April 2008 at 03:46

    على نفسها جنت براقش

    مثلج نوخذة و تعرفين ، حلاة المحمل حزة المغرب سمّاري مع دز الهوى النسناس

    و على ما قال مدحي اليماني

    برده يجي نسناس :)

    http://slam2u4peace.com/ghrreed/1-brdah.mp3

    ReplyDelete
  16. Anonymous12 April 2008 at 03:47

    sa7 alsanek

    its a nice change from all the political posts

    kather minhom shway plzz :)

    ReplyDelete
  17. بروفسور حمادو12 April 2008 at 03:49

    محسد

    الله يحفظك شمس الكويت ما عندها غشمرة يا سرايين يا ظلمة ، يا ما تحوشك مولية يا تحرقك تشويك ، بس هم إحنا تجاوزاً نقول أسمر

    :)

    ReplyDelete
  18. بروفسور حمادو12 April 2008 at 03:52

    فريج سعود

    البدر مو أسمر الحين ، بس هذي انقالت فيه أيام صولاته و جولاته في ميامي بيتش ، أيام الSunTan و البرونزاج

    :)

    ReplyDelete
  19. بروفسور حمادو12 April 2008 at 03:58

    بو بدر

    السمر ما بغير السمر تلقى الحسن
    من شافهن ضيع وتاه دليله

    :)

    و هم أرجع و اقول ما قال مدحي اليماني

    برده يجي نسناس :)

    http://slam2u4peace.com/ghrreed/1-brdah.mp3

    برده يجي نسناس

    ReplyDelete
  20. بروفسور حمادو12 April 2008 at 04:05

    غشيمة

    صح بدنج و شكرا على الإطراء

    آنا ودي أكثـّر بس السيد الحلم الجميل مدير التحرير صاحب الامتياز موجه لي تحذير رسمي بناء على العقد المبرم بيننا لي مرة وحدة كل خمس أسابيع أكتب غزل

    :)

    تحياتي

    ReplyDelete
  21. Aldenya12 April 2008 at 14:55

    يا سلام سلم

    :>

    ReplyDelete
  22. بروفسور حمادو12 April 2008 at 15:10

    يا سلام سلم

    دي الدنيا بتتكلم

    و السحن دحن بو

    الواد طالع لابوه

    :)

    ReplyDelete
  23. زهرة الرمان13 April 2008 at 00:29

    الله على زهيريات الضويحي

    ..

    مشكورين عالفاصل الجميل
    في هالجو السياسي المزدحم ..

    ReplyDelete
  24. بروفسور حمادو13 April 2008 at 01:35

    زهرة الرمان

    تعبنا من السياسة قلنا نريّح شوي بفاصل من الغزل

    و على فكرة شكراً على ثقتج بالزهيرية و إنج نسبتيها حق الضويحي ، خصوصاً إن اللي كتبها هو نفسه كاتب البوست و وينه و وين إبداعات الضويحي الله يرحمه

    ربي يحفظج

    :)

    ReplyDelete
  25. Anonymous13 April 2008 at 07:22

    قرأت زهيريتك و تذكرت أشعار فائق العبد الجليل رحمه الله ، يجب أن أعود مرة أخرى إلى قراءة أشعاره
    صح لسانكم ...

    ReplyDelete
  26. Anonymous13 April 2008 at 07:36

    أنا بصحرا سكوتي أنتحر وحدي
    أعاني الصمت
    أعاني الخوف
    أعاني وجدك و وجدي
    بهاجر من جديد أبدي
    بحارب بالجمر بردي
    بصمم أوفي في وعدي
    و أصمم أحكي ما عندي

    فائق عبد الجليل

    ReplyDelete
  27. بروفسور حمادو13 April 2008 at 08:50

    عزيزتنا جرة العسل الأسود سابقاً العسل الأسود فقط حالياً

    الحمدالله إن الزهيرية ذكرتج في في علم من أعلام الشعر و الفن بالكويت الأسير الشهيد فائق عبدالجليل رحمة الله عليه

    و إذا الزهيريات بتذكرنا بهالناس الطيبة آنا كل يومين بنزّل زهيرية

    لج التحية الأجمل

    ReplyDelete
  28. بروفسور حمادو13 April 2008 at 09:09

    و يا جرة العسل الأسود من الجميل الي أحفظه حق الشهيد فايق علي العياضي أو حسب ما تعرفه الناس فايق عبدالجليل قصيدته اللطيفة واحد من الناس اللي غناها محمد عبده

    بكل طيبة العشاق اطلب ننتهي
    سافر وغيب وننتهي
    بتشوف ناس
    وتحب ناس
    وتنسى وأكون بدنيتك
    واحد من الناس

    كنت أتصور إني لك
    وانته عارف منزلك
    جدّت ظروف
    وعينك تشوف
    صرت بصعوبه أقابلك
    صرت بألم اشتاق لك

    سلمت
    انا مالي غير الصبر
    آه لو تدري بعد هذا العمر
    إسمك إذا مرني
    يعطرني عطر
    آه يا كل العمر
    كون بمكاني وشوف عانيت شكثر
    بتشوف ناس
    وتحب ناس
    وتنسى
    واكون بدنيتك واحد من الناس

    ReplyDelete
  29. سدرة العشـــاق13 April 2008 at 11:22

    صح إلسانك

    يازين الحجي اللي طالع من القلب

    : )

    ReplyDelete
  30. بروفسور حمادو13 April 2008 at 15:28

    سدرة العشاق

    صح بدنج

    كلامج عدل ، يا زين الحجي الي طالع من القلب و على هالأساس أقول هالكلام ولا شي مقارنة بإبداعات فتى الجبل الله يحفظه و يحفظج لما يبدع ، والا شرايج؟

    :)

    ReplyDelete
  31. Aldenya22 April 2008 at 20:08

    :>


    رديت للمدونه
    وقريت مواضيع حلم السياسية المميزة


    ولكن
    رديت لهذي الزهيرية الرائعة
    ومتعت ناظري من جديد بقرائتها

    ويا سلاااام سلم

    :>

    ReplyDelete