
مــن الـــقــهــر و الـشّـقــا انـجــر الـقـلـم جــرّة
الـقـلـب أمــرنـي و قــــال فــزعــه بـعـجـل جــرّه
لـو فــاض حــزنــي بـتـمـتـلـي جـــرّة ورا جـــرّة
اكــتــب و قـــــــول هـالـزمـن لا تـــــامـن اقـداره
يــعــطــي يــــزيــــد الــرّدي زايــــد عـــن اقـداره
ولا جـــــاه راعـي الــفــَـضـِـل بـالـهـم مـلا قـْداره
ضـاعـت قـواعـده كِـسَـرْ فــاعــلــه بـحـرف جــرّه
المفردات:
اقداره : جمع قــَدَر و هو المكتوب
اقداره : جمع قــَدِر و هو القيمة
قداره : جمع قــِدْر و هو الاناء
صح السانك
ReplyDeleteخوش شعر قبل الريوق
والسلام
صح لسانك
ReplyDeleteلا تنقهر ..هونها وتهون
:)
صباح الخير ..صباح الأمل
والله الحزن عندي هالأيام يملا تناكر مو بس جرة وراء جرة !!
ReplyDeleteبس هم متفائل
صح لسانك ، خوش زهيرية
قسم و سمعني
ReplyDeleteطبعتها و علقتها بمكتبي
لا و سويتها مسج بعد
ReplyDeleteيــعــطــي يــــزيــــد الــرّدي زايــــد عـــن اقـداره
ReplyDeleteولا جـــــاه راعـي الــفــَـضـِـل بـالـهـم مـلا قـْداره
===
صح لسانك طال عمرك
وايد هالكلمات أثرت فيني
:(
الله ياهي تحرك المشاعر
ReplyDeleteصح لسانك
دكتور كويتي
ReplyDeleteصح بدنك
بس عسى ما يكون الريوق فول و فلافل ، ترى ما يرهمون مع بعض
Um il sa3af wil leef
ReplyDeleteالله كريم الله كريم ،، يهون الجرح الأليم
صباح النور .. صباح السالم
bo bader
ReplyDeleteمثلك دوم رافع معنوياتنا ، وعشان جذي ندعي لك بدوام التفاؤل يا سندنا لعل و عسى بزيادة كمياته تتلاشى توانكي الحزن التي لديك
صح بدنك ، و حوش بوبدر خوش حوش
nEo
ReplyDeleteإنت بتحدني أسوي لك أصبوحة زهيريات خاصة لك جدام راس البعير أقصد كاميرة ساحة الإرادة ، بس إذا تسمح لي ببلغ عنك أمن الدولة قبلها عشان تشوفها من هناك و تتأكد لنا من نقاوة البث و النقل مباشر
إطبع و إنشر يبا ، بس شوف لنا راعي رسمي بخمس ملايين حط شعاره في أعلى الصفحة
تحياتي يا رافع معنوياتي
why me
ReplyDeleteو هذي الحقيقة للأسف
شكرا للتفاعل الجميل مع الزهيرية
أهل شرق
ReplyDeleteصح بدنك ، و يعلم الله انها حركت أكثر و أكبر من المشاعر
عسى ربك يغير الاحوال برحمته و باللي نسعى فيه
كلمات جميلة و لكن لما التشاءم ؟؟
ReplyDeleteفتمتع بالصبح مادمت فيه ..لاتخف أن يزول حتى يزولا
أُمْ حَــسَـــنْ
ReplyDeleteشكرا لوصف الكلمات بالجميلة ، لكن مجرد للتوضيح هي شكوى ذاتية و ليست بتشاؤم
دمت بخير