زميلنا فريج سعود حفظه الله و رعاه كان قد وعدنا منذ فترة بتحليل قيمه جهازه الموبايل عبر سلسلة بوستات "ليش يعني" تقوم بتصوير كل ما هو سلبي ، لكن منذ بوست "بو نجمة اللي معلق نجماته عالمنظرة" ما شفنا من سلسلته شي حالها حال انجازات أحمد الفهد بخطة التنمية. 0
و بغض النظر عن الظروف المواتية التي حرمتنا من البوستات الموعودة ، لكن نبقى و فريج سعود حكومة تدوينية متضامنة "و موتوا قهر" ، و اليوم نعود لكم من خلال هذه الإطلالة على مطار الكويت الدولي. 0
الصورتان التاليتان تم التقاطهما بالمطار بتاريخ 28 فبراير 2010 في مواقف المغادرين بالطابق العلوي.0
السيارة متشرقدة في موقف المعاقين ، و شرطة وزارة الداخلية صكوها مخالفات لما خاب ثناها . بس اللي ما كنت فاهمة ليش ماكو ونش يه و شالها !! يعني هم واجهة بلد و وهم موقف معاقين و فوقها مرفق حيوي ممكن يتم إلحاق الضرر به من خلال هالمهملات بطرق عدة!! 0
طبعاً اتعب على اللي كتب الجازي ، و صدق من قال الحب عذاب الشباب!! 0
المهم ، رجعت أمس من ليفربول العظيمة الأبية أدام الله ظلها الوارف ، و دفعني الشوق آخذ لي طلة بالمواقف العلوية ، و طبعاً صدق ظني و رأيت كاديلاك فؤادي المغبرة لا زالت منسدحة بشموخ في موقف المعاقين ، إلا إن العوامل الجوية قد استبدلت الجازي بعبارات الاستغاثة و الاسترحام لغسل السنكوحة ، و ما زلت مو فاهم ليش ماكو ونش إيي و يشيلها !! 0
سؤال فني بريء : شـ فايدة الحاجز البلاستيكي الأبيض عشان يتركونه ورا السيارة؟
تعددت التواريخ ُ و الغبار ُ واحد ُ 0
للعلم ، المسؤولية عن مواقف المطار هي في عاتق الشركة الكويتية المتحدة لإدارة المشاريع التابعة لشركة مشاريع الكويت القابضة ؛ بالتعاون مع وزارة الداخلية اللي تعرف تخالف من يتبـطـّح بموقف المعاق لكنها ما تعرف تشيل المصيبة اللي حرمت فرد من ذوي الاحتياجات من حقوقه ! 0
للاسف
ReplyDeleteوجود هالسيارة والمخالفات عليها وبهالمكان
استهتار بالنظام
وتقليل من شأنه...
يكون قبل شأنه مو ممسوح بالارض !!
wb
ReplyDeleteتو ما نورت الديره
حمدلله على السلامه
ReplyDelete:)
أنا سمعت انهم بقصون السياره من فوق ، وبيترسونها ماي ، علشان يسوونها سيارة الأمنيات ، وتقط فيها خردتك وانت رايح وانت ياي من المطار ،بس وين بتروح هالفلوس ماأدري !!ما أقول الا
الله يعين ذوي الاحتياجات الخاصه
:(
شكرا لهذا الموضوع
خبري بمواقف المعاقين تكون بالادوار الارضية وقريبة من البوابات
ReplyDeleteالمهم يمكن يكون راعي الكاديلاك هذا معاق
ويمكن يكون متوفي ومحّد يدري عنه
أو يمكن مشترك بهالموقف ودافع إشتراك سنة جدام
في اسباب كثيرة
ماكو شيله للسيارة الا و شيلة روي معاها اب يوم واحد ذبحنا هل شايب
ReplyDeleteمدير الشركة اللى تدير مواقف المطار هو خالد الصايغ
ReplyDeleteنفس صاحب معاهد فلكس حسين وخالد الصايغ
وهذوله حدهم لاهين بمشاريعهم وفلوسهم
المهم الإيراد ما يووقف
ومجابلين الخصوم بقضايا المحاكم
اول شي الحمدلله على السلامة
ReplyDeleteثانيا عادي ترى
بالديرة اي واحد يبي يسوي شي يسويه ... ماكو احترام لا لقانون ولا اخلاق
:(
ياجماعه يعني المعاقين وين يروحون 000< يموتون قهر >
ReplyDeleteخااالف تعرف
ReplyDeleteالنظام؟ هي فيه حاجة علينا في المقرر اسمها النظام؟
why me
ReplyDeleteميرسي أوي أوي
منور بالليتات يا أم وائل
Um il sa3af wil leef
ReplyDeleteالله يسلمج
بعد ما يبيله ، مشروع الـ
wishing well
بيروح ريعه لدعم المشاريع الخيرية في المارينا كرسنت
:)
الله يعين كل صاحب حق بالهالبلد اللي ناخر فيه سوس الاستهتار لا النخاع
تحياتي
Anonymous
ReplyDeleteالموقف هذا بالفعل قريب من البوابات ، تلقاه بمواقف المغادرين أمام بوابات الدخول و السيارة تحديدا أمام مدخل رحلات الكويتية رقم واحد
و عشان الاسباب اللي حطيتها رح نحاول نلتمس له العذر ، بس توافق ام السعف و الليف بالاول
Anonymous
ReplyDeleteلا يبا أرجوك ، لا تربط شيلة السيارة بشيلة روي هودجسون ، ترى تضيع حقوق المعاقين
panadool
ReplyDeleteالايراد ما رح يوقف لا انشالت السيارة و وقفوا غيرها بمكانها ، بالعكس رح يزيد
اذا تعرفهم و تمون عليهم اللي قلت عنهم تكفة اشرح له حالة السيارة المأساة و لا تييب سيرة المعاقين يمكن ينكسر خاطرهم
عثماني
ReplyDeleteالله يسلمك من الشر
و مصيبة إذا بيستمر الشعب قوم ما كاري ، و كل شي عنده عادي
Anonymous 3
ReplyDeleteأتصور عند المجموعة المتخلفة اللي تتسبـّـب و تساهم في هالأعمال المتخلفة ، المعاق حتى غير مسموح له يموت من القهر
منو وائل
ReplyDeleteلا لا لا لا
مابي وائل شوف لك اسم ثاني
;p
لازم يكون فيه تشريع يمنح الشرطه صلاحية قطر اي سياره تقف في موقف معاقين و اخذها لكراج الداخليه في حال عدم وجود ملصق خاص بالمعاقين عليها
ReplyDeleteالأسباب والأعذار ممكن تكون كثيره وهذا مو موضوعنا ، الموضوع وين الاداره أو المرور عن هذه السياره ؟
ReplyDeleteعزيزي
ReplyDeleteاتصدق لو يعطيني اياها احسن إذا مايبيها ..!
والمعاقين تبي يحترمونهم اهما ما احترمو الصاحي عشان يقدرون هذه الفئة ..!
تحياتي
why me
ReplyDeleteو لا يصير خاطرج إلا طيب يا أم فادي
جذي زين؟
Anonymous 4
ReplyDeleteعندهم الصلاحية و التشريع موجود ، لكن ما نفتقده غالبا هو التنفيذ
ربك يعين المعاق جسدياً من بعض المعاقين فكريا
تحياتي
Um il sa3af wil leef
ReplyDeleteكنت أدري انج ما بتوافقين عالأسباب و عشان جذي اخترتج
:)
الادارة و المرور يخورونها إذا ما ينقرصون من الرأي العام
Multi Vitaminz
ReplyDeleteراعي السيارة يجوز ميت ، يجوز عضو مجلس أمة أو وكيل وزارة كاتب شيكات بدون رصيد و منحاش ، يجوز يكون ألف شي
الرّك على المعاق فكرياً إن ما يراعي هالمسكين الضعيف المبتلى