شوي بنعطيكم راحة من السياسة
نهدي هذي الزهيرية للي قلبه خضر و أخص بالذكر زميلنا العزيز بو بدر
قـلبـي رسـالـة .. و عـلـيـهـا اسم الحـبـيـب طـابـع
و النـص مـن سـنـيـن .. كـاتـبـه بـدمـي و طـابـع
صـافي عـذب الـحـب .. لـه أحلـى سـمـة و طـابـع
يا أسـمـر الـلـون .. مـا شــفــت بـحـلاك سـمـرة
صوتك موسيقى .. أعيـش كل لـيـلـة فـيـه سمـرة
محـمـل غـرامـك .. عـلى الكـيف داخـلـي سـمـره
وهـيـهــات تــشـوفه .. في يـوم مـيـدَف أو طـابـع
وتحياتي للكل...
31 comments:
مشكور حبيبي
ولك هالاهداء الرائع من المرحوم عبدالرحمن الضويحي
======
لـه معـدنٍ كالذهـب زلات مـا ظـن لـه
يا زيـن مستقبلـة ويازيـن مـاضـنٍ لـه
واضح وضـوح العَلـَم لـو تِهْـتْ ماضِلّـه
كريم نفـس وبطـل وقـت الفعـل ماضـي
يأبى المهانـة جـزوع بحاضـر وماضـي
فعـل الرجـال افعلـة و بخطتـة ماضـي
أبصم بعشـري وغيـر العشـر ماضٍ لـه
عاش من قال!!
يالبدر
تجبرني بلطفك أهديك زهيرية ثانية
:)
عمري اللي ما عشته أشوف الحين أنا عايشه
بالحب يعايشني و بزود ود انا اعايشه
يا مصدر أفراحي و كل سرور أنا عايشه
بحرين بداخلي جروا الاسباب طلوع بدرك
بحر من فضة تلالا فيه سنا بدرك
و الثاني مده حرير ضعت فيه كيف بـ(ا)درك؟
ما أدري آنا بحلم أو علم انا عايشه
someday
عاش حاضر
:)
يا يا يا
شنو هذا شنو هذا
متعنا زود يا يبا
فتى الجبل
تستاهل الزود يللي ما عليك قصور
بوسعود و شرواك مكانه فوق عالي قصور
جيران و قصور .. من سنين انتو احلى قصور
مخصوص الابيات .. لك بـ(ا)نقشها در و ماس
وبـ(ا)ضويها بـ(ا)نوار لو يضربني شورت وماس
اشلون مـ(ا)بدع ..و ودك صاب قلبي و ماس
رقابنا تطول .. فيك تفخر و لالها قصور
طابع
كله مطقوق
ترى الحقوق محفوظة مو على ابو انك مملوح ومزيون تبوقها حق برنامجك جنك ما تدري
:)
خوش شئ
صح لسانك
:)
على نفسها جنت براقش
يا خوج الحين عرفت شلون أحبل لج ، ومتى ما قطعتي و بغيتج تطبين المدونة رح أنصب لج زهيرية بالفخ مكان الغبي
:)
صح بدنج عزيزتي
محـمـل غـرامـك .. عـلى الكـيف داخـلـي سـمـره
وهـيـهــات تــشـوفه .. في يـوم مـيـدَف أو طـابـع
يعنى حابسه و ما يتحرك
صج صج خوش زهيريه
شمس الكويت لا تسمح بالسمرة :)
والله يستاهل بوبدر الورد جارنا
بس ماني خابره اسمر
عزيزي فريج سعود
شلونك يالغالي ؟
أنا فعلاً ماني أسمر ، لكن المشكلة أن كل الشعراء يتغنون بالسمر ولا أحد يمدح البيض !!
على نفسها جنت براقش
مثلج نوخذة و تعرفين ، حلاة المحمل حزة المغرب سمّاري مع دز الهوى النسناس
و على ما قال مدحي اليماني
برده يجي نسناس :)
http://slam2u4peace.com/ghrreed/1-brdah.mp3
sa7 alsanek
its a nice change from all the political posts
kather minhom shway plzz :)
محسد
الله يحفظك شمس الكويت ما عندها غشمرة يا سرايين يا ظلمة ، يا ما تحوشك مولية يا تحرقك تشويك ، بس هم إحنا تجاوزاً نقول أسمر
:)
فريج سعود
البدر مو أسمر الحين ، بس هذي انقالت فيه أيام صولاته و جولاته في ميامي بيتش ، أيام الSunTan و البرونزاج
:)
بو بدر
السمر ما بغير السمر تلقى الحسن
من شافهن ضيع وتاه دليله
:)
و هم أرجع و اقول ما قال مدحي اليماني
برده يجي نسناس :)
http://slam2u4peace.com/ghrreed/1-brdah.mp3
برده يجي نسناس
غشيمة
صح بدنج و شكرا على الإطراء
آنا ودي أكثـّر بس السيد الحلم الجميل مدير التحرير صاحب الامتياز موجه لي تحذير رسمي بناء على العقد المبرم بيننا لي مرة وحدة كل خمس أسابيع أكتب غزل
:)
تحياتي
يا سلام سلم
:>
يا سلام سلم
دي الدنيا بتتكلم
و السحن دحن بو
الواد طالع لابوه
:)
الله على زهيريات الضويحي
..
مشكورين عالفاصل الجميل
في هالجو السياسي المزدحم ..
زهرة الرمان
تعبنا من السياسة قلنا نريّح شوي بفاصل من الغزل
و على فكرة شكراً على ثقتج بالزهيرية و إنج نسبتيها حق الضويحي ، خصوصاً إن اللي كتبها هو نفسه كاتب البوست و وينه و وين إبداعات الضويحي الله يرحمه
ربي يحفظج
:)
قرأت زهيريتك و تذكرت أشعار فائق العبد الجليل رحمه الله ، يجب أن أعود مرة أخرى إلى قراءة أشعاره
صح لسانكم ...
أنا بصحرا سكوتي أنتحر وحدي
أعاني الصمت
أعاني الخوف
أعاني وجدك و وجدي
بهاجر من جديد أبدي
بحارب بالجمر بردي
بصمم أوفي في وعدي
و أصمم أحكي ما عندي
فائق عبد الجليل
عزيزتنا جرة العسل الأسود سابقاً العسل الأسود فقط حالياً
الحمدالله إن الزهيرية ذكرتج في في علم من أعلام الشعر و الفن بالكويت الأسير الشهيد فائق عبدالجليل رحمة الله عليه
و إذا الزهيريات بتذكرنا بهالناس الطيبة آنا كل يومين بنزّل زهيرية
لج التحية الأجمل
و يا جرة العسل الأسود من الجميل الي أحفظه حق الشهيد فايق علي العياضي أو حسب ما تعرفه الناس فايق عبدالجليل قصيدته اللطيفة واحد من الناس اللي غناها محمد عبده
بكل طيبة العشاق اطلب ننتهي
سافر وغيب وننتهي
بتشوف ناس
وتحب ناس
وتنسى وأكون بدنيتك
واحد من الناس
كنت أتصور إني لك
وانته عارف منزلك
جدّت ظروف
وعينك تشوف
صرت بصعوبه أقابلك
صرت بألم اشتاق لك
سلمت
انا مالي غير الصبر
آه لو تدري بعد هذا العمر
إسمك إذا مرني
يعطرني عطر
آه يا كل العمر
كون بمكاني وشوف عانيت شكثر
بتشوف ناس
وتحب ناس
وتنسى
واكون بدنيتك واحد من الناس
صح إلسانك
يازين الحجي اللي طالع من القلب
: )
سدرة العشاق
صح بدنج
كلامج عدل ، يا زين الحجي الي طالع من القلب و على هالأساس أقول هالكلام ولا شي مقارنة بإبداعات فتى الجبل الله يحفظه و يحفظج لما يبدع ، والا شرايج؟
:)
:>
رديت للمدونه
وقريت مواضيع حلم السياسية المميزة
ولكن
رديت لهذي الزهيرية الرائعة
ومتعت ناظري من جديد بقرائتها
ويا سلاااام سلم
:>
Post a Comment