Sunday 1 March 2009

هذا زمان المسخرة

بقلم الشاعر عبدالرحمن رفيع
هذا زمان المسخرة هذا زمان المسخره، آخر الشهر تقبض الراتب وتروح المجمع وتبعثره، وتعير ذاك الفقير لو إني مثل غيري ما عشت واياك محسره، شوف فلانة وشوف علانه عايشين عيشه ميسره، فله جميلة وسياره كشخه ما هو مثلك تركبني سياره مكسره، هذا زمان المسخرة هذا زمان المسخرة، لين استلمت ذاك التلفون تبمبع مثل البقرة، واتحش في الناس هذا طويل وهذا قصير وحكيها كله مسخره، وفلانه اليوم مطلقه وفلان ماتت له مره، وكلامها أصلا ماله أساس بس هذره فاضيه وبربره، والوقت يسرع والهاتف يحسب أمواله تروح مهدره، هذا زمان المسخرة هذا زمان المسخرة، الله يرحم ذاك الزمان الحرمة فيه مستره، كانت تجلس ويا الأذان وتصلي لله وتشــــــــــكره، وتدعي للناس الطيبين بنفس طيبه وطاهرة، هذا زمان المسخرة هذا زمان المسخرة، مو مثل بنات هذا الزمن تركب ويه الأجنبي بيدها روج ومنظره، وقصت الشعر أخر موديل كأنها ديك منفوش جناحه وعرعره، والعبايه تحطها على الكتف حتى الشعر ماتستره، ولو تقول لها هذا حرام قالت كلامك كله دندره، كلامك كله ما يعني لي شيء أني فتاه متطورة، لا يخدعونك باسم حضارة هالزمن آخرتها تالي المقبرة، وآخر كلامي بالصلاة على النبي واياه العترة الطاهرة

12 comments:

ZooZ "3grbgr" said...

البعض

البعضضضضضض

مو كل بنات هالزمن مو مثل أول

بعضهم أحسن

تدري إدراك

جان زين أقدر أكتب بطوالة لسان جذي

:")

الدســتور said...

عظم الله اجرك على خسارتنا المتوقعه امس

Mohammad Al-Yousifi said...

انا مع الموضة

لا تاخذون زمنكم و زمن غيركم

خل البنات يستانسون

مركبنا said...

انا مع الموظة على قوله اخونا مطقوق
بس الي قاعد يصير فوضه

والله بالمحاظرات تازمت وقلت للبنات رجاءا الي حاطة مقاس اكس لارج حجاب بوتفخة خل تقعد ورا احنا مانشوف

اتخيل واحد امريكي يشوف هل منظر شنوا يقول

سيدة التنبيب said...

أسنام البخت كما قال النبي ( ص ) و لا أعتقد أنه يمكن إيقاف هذا اللباس

البنات ينوا و قعدوا صايرين كلهم شكل واحد

kuwaiti_cool said...

ترى قوطي النيدو اللي يحطونه براسهم منه فايده يعتبر خوذه واقيه للرأس
المشكله المفردات اللي تلوع الجبد
لاتقولك امبيه ولا أي شي لا واذا بغت تتدلع قالتلك ويهك نوع من الغنج يعني ههههههههههه

ابدع الشاعر بالوصف
شكرا لك

Anonymous said...

احسنت في وصف بنات الثواله

والصورةتعكس واقع المسخرة

دمت بخير وسلام

كويــتي لايــعه كبــده said...

انت بس قول ان شاء الله ما تعم النفخة على الغترة والعقال

الشباب اليوم أخس من البنات بسوالف البنات

Anonymous said...

اله يعطيك العافية كلامك عسل والصورة أحلى و أحلى بصراحة كل ما اشوف وحدة حجابها منتفخ تلوع جبدي على بالهم احنا يالشباب نموت بالحجاب سألت وحدة معاى بالدوام ليش سوون حجابكم جذي ردت علي تقول عشان الشباب يقولون شعرنا طويل صج زمان المسخرة بس انا اموت بحجاب الايرانيات و اللي في بالي والا انتو اشرايكم ...........

Anonymous said...

ههههههههه
واي مطقوق بدعت على هالتعليق

-mate said...

أقول

2-0

من مدلزبره، شكلها هذي المصخرة

Edrak said...

zoooz

عن العيارة والله يالحريم انتوا تقدرون تاكلون ديرة بلسانكم

ان كيدكن عظيم

ابو الدستور

اي الله يسلمك مادري اي خسارة بس انا ما اشتهي اجوف شيء مدور و الناس تلحقه و يسمونها طمباخية

مطقوق

اي خلهم يستانسون ما قلنا و خلنا احنا نتطنز ماكو مشاكل

مركبنا

تجوف قناة الوطن وايد شكلك .. بعدين أخاف الأمريكي برد عليه .. صج انه حجاب بو تفخه يفضل بس عاد الا هذا الي يتكلم لو بقعد اعلق على سخافاتهم ما اخلص عاد


سيدة التنيب

ولا والله على قولة رولا دشتي نأدر !

كويتي كووول

انزين غنج شنو يعني ؟

كويتي لايعة جبده

انا ما بيني و بينك كلام اذا ما غيرت نكك و خليته كويته منفتحه شهيته

بعدين الشباب وصلوا مرحلة خلاص ما عاد ينفع الكلام معاهم و الضرس لي رقل من شلعته لا بد

انونيميس

مرة صارت سالفة مع احدى نساء المجتمع و قلتلها ليش البنات يكشخون ؟
قالت والله اهما يحبون الكشخة .. قتلها شالرد الظاهر ماتعرفين نيوتن .. المهم البنات يكشخون عشان احنا نطالعهم فا اذا خزينا لا تتحلطمون لأن انتوا تبونه نخز فبلاش تفلسف .. و الحين نفس الموضوع مع هل هيلق .. مادري ليش يلبسون جذيه الظاهر من حل هلا فبراير و هل شماحيط يدورون التيس الغريب .. ولا ؟

انونيميس 2

واييي امبيه اكيد انتي تلبسين هل حجاب