Sunday 5 July 2009

زهيرية : مـن الـقـهـر و الـشّـقــا انـجـر الـقـلـم جـرّة

مــن الـــقــهــر و الـشّـقــا انـجــر الـقـلـم جــرّة
الـقـلـب أمــرنـي و قــــال فــزعــه بـعـجـل جــرّه
لـو فــاض حــزنــي بـتـمـتـلـي جـــرّة ورا جـــرّة
اكــتــب و قـــــــول هـالـزمـن لا تـــــامـن اقـداره
يــعــطــي يــــزيــــد الــرّدي زايــــد عـــن اقـداره
ولا جـــــاه راعـي الــفــَـضـِـل بـالـهـم مـلا قـْداره
ضـاعـت قـواعـده كِـسَـرْ فــاعــلــه بـحـرف جــرّه
المفردات:
اقداره : جمع قــَدَر و هو المكتوب
اقداره : جمع قــَدِر و هو القيمة
قداره : جمع قــِدْر و هو الاناء

15 comments:

دكتور كويتي said...

صح السانك
خوش شعر قبل الريوق
والسلام

Um il sa3af wil leef said...

صح لسانك
لا تنقهر ..هونها وتهون
:)
صباح الخير ..صباح الأمل

bo bader said...

والله الحزن عندي هالأيام يملا تناكر مو بس جرة وراء جرة !!

بس هم متفائل

صح لسانك ، خوش زهيرية

nEo said...

قسم و سمعني


طبعتها و علقتها بمكتبي

nEo said...

لا و سويتها مسج بعد

why me said...

يــعــطــي يــــزيــــد الــرّدي زايــــد عـــن اقـداره
ولا جـــــاه راعـي الــفــَـضـِـل بـالـهـم مـلا قـْداره



===


صح لسانك طال عمرك


وايد هالكلمات أثرت فيني

:(

أهل شرق said...

الله ياهي تحرك المشاعر


صح لسانك

بروفسور حمادو said...

دكتور كويتي

صح بدنك

بس عسى ما يكون الريوق فول و فلافل ، ترى ما يرهمون مع بعض

بروفسور حمادو said...

Um il sa3af wil leef

الله كريم الله كريم ،، يهون الجرح الأليم

صباح النور .. صباح السالم

بروفسور حمادو said...

bo bader

مثلك دوم رافع معنوياتنا ، وعشان جذي ندعي لك بدوام التفاؤل يا سندنا لعل و عسى بزيادة كمياته تتلاشى توانكي الحزن التي لديك

صح بدنك ، و حوش بوبدر خوش حوش

بروفسور حمادو said...

nEo

إنت بتحدني أسوي لك أصبوحة زهيريات خاصة لك جدام راس البعير أقصد كاميرة ساحة الإرادة ، بس إذا تسمح لي ببلغ عنك أمن الدولة قبلها عشان تشوفها من هناك و تتأكد لنا من نقاوة البث و النقل مباشر

إطبع و إنشر يبا ، بس شوف لنا راعي رسمي بخمس ملايين حط شعاره في أعلى الصفحة

تحياتي يا رافع معنوياتي

بروفسور حمادو said...

why me

و هذي الحقيقة للأسف

شكرا للتفاعل الجميل مع الزهيرية

بروفسور حمادو said...

أهل شرق

صح بدنك ، و يعلم الله انها حركت أكثر و أكبر من المشاعر

عسى ربك يغير الاحوال برحمته و باللي نسعى فيه

أُمْ حَــسَـــنْ said...

كلمات جميلة و لكن لما التشاءم ؟؟

فتمتع بالصبح مادمت فيه ..لاتخف أن يزول حتى يزولا

بروفسور حمادو said...

أُمْ حَــسَـــنْ

شكرا لوصف الكلمات بالجميلة ، لكن مجرد للتوضيح هي شكوى ذاتية و ليست بتشاؤم

دمت بخير